Para formaliza-la inscrición os alumnos deberán presenta-la
seguinte documentación no centro onde desexen face-la proba e cursa-las
ensinanzas de idiomas de réxime especial:
§ Impreso de inscrición debidamente cumprimentado (un por cada idioma). O modelo recollerase na EOI.
§ Resgardo de documento das taxas (recóllese na EOI), conforme ó
artigo 3º do Decreto 147/2006, do 31 de agosto, DOG do 8 de setembro, polo que
se establecen os prezos públicos dos conservatorios de música,
centros autorizados de música, conservatorios de danza, centros autorizados
de danza, escolas oficiais de idiomas e Escola Superior de Conservación
e Restauración de Bens Culturais de Galicia. O modelo tamén
se recollerá na EOI.
§ Fotocopia do DNI ou pasaporte. No caso de non ter DNI deberá presentar fotocopia do libro de familia ou partida de nacemento.
§ Orixinal e copia do Título de Familia Numerosa (cando proceda)
§ Certificado de exención de taxas para os funcionarios da Consellaría de Educación expedido pola Delegación
Provincial ou universidade da que dependan (non é válido o certificado expedido polo centro no que está destinado).
§ Orixinal e copia dalgún título académico (Graduado Escolar, 1º ou 2º ciclo da ESO, certificado de estudos primarios ou de escolaridade ou certificado de estudos.
(punto 5º da Circular 1/2004).
§ Declaración expresa de non estar matriculado no idioma no que se preinscribe, cumprindo o requisito do punto 6º da circular 1/2004 (o modelo será facilitado nas EOI).
