1. No curso 2007-2008 poderánse realizar os seguintes exames libres: Básico, Intermedio (só para galego) e Ciclo Superior (plan antigo).
2. O alumnado de ensinanza libre no curso 2007-2008 terá dereito ás
convocatorias de xuño e setembro.
3. Excepcionalmente, no curso 2007-2008 non é preciso ter superado o Ciclo Elemental para poder matricularse no Ciclo Superior.
A proba de Ciclo Superior constará de dous bloques: escrito e oral, sendo a superación do primeiro requisito para poder presentarse ao oral.
O alumnado que supere unicamente a parte escrita na convocatoria de
xuño manteráselle a cualificación para a convocatoria de
setembro.
4. No caso das probas de certificación de nivel básico e intermedio, as probas estarán compostas de catro partes que avaliarán
cada unha das seguintes destrezas: Comprensión de lectura, comprensión oral, expresión e interacción escrita e expresión e interacción oral.
O alumnado que non superara algunha destreza só terá que presentarse en setembro a aquelas destrezas non superadas na convocatoria ordinaria. De obter a cualificación
Non Apto na convocatoria de setembro, non se conservarán para posteriores convocatorias as cualificacións das destrezas superadas
5. O prazo de matrícula libre será do 1 ao 21 de abril de 2008.
6. O alumnado do programa de inglés a distancia That's English! rexerase pola súa propia normativa no referido aos
temas desta circular.
Para descargar o calendario de probas (Anexo I da Circular 2/2008) prema na seguinte ligazón:
CALENDARIO DE EXAMES.
