Alumnado de ensinanza libre

1. No curso 2008-2009 poderanse realizar os seguintes exames libres de certificación: Nivel Básico, Nivel Intermedio e Nivel Avanzado. Estas probas finais de certificación serán comúns para todas as modalidades e réximes de ensinanza en cada EOI e permitirán o acceso directo ás ensinanzas do nivel inmediatamente superior. Non será preciso ter feito e aprobado o exame de certificación dun nivel inferior para poder presentarse a un superior.

2. A avaliación estará suxeita ás directrices da Circular 1/2009 que regula as probas de certificación e da orde do 8 de setembro de 2008, de avaliación.
 

3. As probas constarán de catro partes: a) comprensión oral, b) expresión e interacción oral, c) comprensión de lectura e d) expresión e interacción escrita. O alumnado examinarase de todas as partes da proba e ningunha delas será considerada eliminatoria para a realización do resto delas.

4. O alumnado de ensinanza libre terá dereito ás convocatorias de xuño e setembro. Na convocatoria extraordinaria de setembro, o alumnado deberá presentarse unicamente a aquelas destrezas non superadas na convocatoria ordinaria.

5. De obter a cualificación Non Apto na convocatoria de setembro, non se conservarán para posteriores convocatorias as cualificacións das destrezas superadas.

Para descargar o calendario de probas libres 2009 prema na seguinte ligazón: CALENDARIO DE PROBAS LIBRES

Poden ver modelos de exames anteriores na seguinte LIGAZÓN.
 

guía básico guía intermedio guía avanzado

instruccións matrícula 2009

taxas matrícula libre 2009

formulario matrícula libre 2009