A Escola Oficial de Idiomas de Santiago de Compostela atópase no barrio de Vista Alegre, na rúa Ulpiano Villanueva, no devandito edificio inaugurado oficialmente no mes de xullo de 2002.

Está situada á beira do Campus Norte da Universidade de Santiago de Compostela, preto das Facultades de Ciencias da Información, Filoloxía e Ciencias Empresariais, así como do Auditorio de Galicia.

Esta é unha zona de nivel económico medio-baixo, na que cabe destacar unha importante concentración de vivendas de protección oficial e a abundante presenza de estudantes universitarios.