A Escola Oficial de Idiomas de Santiago de Compostela foi creada polo Decreto 104/2001, do 3 de maio, que autoriza a
súa posta en funcionamento. O centro depende da Consellería de Educación e Ordenación Universitaria
da Xunta de Galicia.
A Escola empeza a funcionar como tal no ano 2001 e os idiomas que se ofrecían daquela eran: alemán, francés, galego e
inglés e tamén o programa de formación a distancia That´s English. No primeiro ano de existencia do
centro só se impartiu o 1º curso de cada lingua e fóronse implantando progresivamente até chegar a completar
a oferta de Ciclo Elemental e Superior en todos os idiomas.
No curso 2003-2004 amplíase a oferta de idiomas a Portugués. Este ano impartimos xa 4º curso desta lingua. O centro
tamén é titor de That's English e coordina o Plan de Potenciación de Linguas Estranxeiras nun centro de secundaria (IES).
No curso 2004-2005 complétase o Ciclo Superior en Inglés, Francés Alemán e Galego.
O número de alumnos oficial presencial sofre un aumento significativo pasando de 788 no primeiro ano a 2875 no actual curso 2007-2008. Pódese
ver a evolución por idiomas na táboa inferior:
Evolución da matrícula oficial 2001-02 a 2007-08:
2001/2
2002/3
2003/4
2004/5
2005/6
2006/7
2007/08
INGLÉS
386
797
983
1159
1265
1475
1826
FRANCÉS
211
363
387
477
486
600
485
ALEMÁN
140
224
264
243
250
375
241
GALEGO
51
84
99
124
105
165
115
PORTUGUÉS
0
0
0
83
108
210
118
TOTAL
788
1468
1733
2086
2214
2825
2785
No curso 2007-2008 ofrecemos 3310 prazas en ensino oficial presencial. Debido á entrada en vigor do novo plan de estudos, que permite o acceso a Intermedio I da primeira lingua estudada no bacharelato, incrementouse a matrícula en inglés considerablemente, podendo ampliar a oferta grazas á creación das novas seccións do IES de Sar e do IES Virxe do Mar de Noia.
É preciso tamén ter en conta a ampliación da oferta educativa con cursos monográficos, destacando o grande número de cursos do CFR que son impartidos nesta EOI. Tendo en conta que a matrícula dos monográficos do segundo cuadrimeste está pendente e as diferentes modalidades: a de That's English (127), do Plan Experimental de Potenciación (24) e o alumnado
libre alcanzaremos unha cifra aínda superior de alumnos.
Oferta de cursos monográficos para o 2007/08:
Primeiro cuadrimestre: Curso básico de inglés (CFR), Curso de lingua administrativa galega, curso intermedio de francés (CFR)
Segundo cuadrimestre: Cursos avanzado de francés (CFR), curso básico de alemán (CFR), curso intermedio de inglés (CFR), curso básico de portugués (CFR). Cursos monográficos de inglés audiovisual. Curso CELGA de galego. Curso de inglés comercial. Curso de actualización de inglés nivel avanzado.
A Escola Oficial de Idiomas de Santiago de Compostela foi creada polo Decreto 104/2001, do 3 de maio, que autoriza a
súa posta en funcionamento. O centro depende da Consellería de Educación e Ordenación Universitaria
da Xunta de Galicia.
