Os cursos de verán están organizados pola asociación de alumnos e antigos alumnos da EOI de Santiago en colaboración coa propia Escola Oficial de Idiomas. Anímate a aprender unha lingua nova durante o mes de xullo ou a mellorar a que xa coñeces!
NOVIDADES NO 2009!!!:
Novas linguas
Posibilidade de horario de tarde na central de Santiago
Cursos nas seccións de Noia, Ordes e Ribeira
Lembrade que só se poderá formar grupo naqueles cursos e horarios nos que haxa suficiente número de persoas preinscritas. Por iso é moi importante que, de terdes interese, cubrades os formularios online.
PREINSCRICIÓN PECHADA.
Unha vez finalizado o periodo de preinscrición, ábrese o periodo de matrícula do 1 ao 12 de xuño nos seguintes cursos: CHINÉS, FRANCÉS (BÁSICO e AVANZADO), INGLÉS (BÁSICO e DESTREZAS COMUNICATIVAS NIVEL INTERMEDIO), ITALIANO E PORTUGUÉS . Pódensense consultar os horarios definitivos na folla de matrícula.
Para matricularse só é preciso cubrir a folla de matrícula, facer o ingreso pertinente no banco e acompañar a documentación co xustificante de pagamento, unha copia do DNI e máis acreditación de ser socio/-a da Asociación de alumnos e antigos alumnos (se procede).
No caso de anulación dun curso, daráselle ás persoas afectadas a posibilidade de cambiar de idioma ou curso ou devolveráselle o importe. Non se devolverá este importe en ningún outro caso.
Os cursos de verán están organizados pola asociación de alumnos e antigos alumnos da EOI de Santiago en colaboración coa propia Escola Oficial de Idiomas. Anímate a aprender unha lingua nova durante o mes de xullo ou a mellorar a que xa coñeces!
