NAVEGAR POLO CALENDARIO

• Neste calendario sempre se visualiza automáticamente a data de hoxe.
• Se nese momento non ve o mes que lle interesa, utilice as frechas de navegación situadas na parte superior esquerda da pantalla para situarse no mes que desexe.

• Para que a consulta de datas sexa máis doada, é posíbel seleccionar só o idioma ou idiomas que interesan. Na parte superior dereita do calendario, na frecha que hai ao lado de Agenda, despregue o menú e risque ao lado dos calendarios que lle interesa ver.

• Non sempre se visualizan todos os eventos (exames, etc.) programados para o mesmo día porque non caben na pantalla. Nese caso, para visualizar toda a información, prema sobre +_ más.

• O alumnado será convocado oficialmente para realizar a proba de expresión oral no día e hora que determine o departamento correspondente. O feito de que haxa máis de un día para a realización de ditas probas, non implica que o alumnado poida elixir o día e hora na que se vaia presentar. Polo tanto, todo alumno/a deberá consultar as convocatorias oficiais das probas de expresión oral, que se poderán publicar con anterioridade ou posterioridade á proba escrita.
• As convocatorias oficiais para as probas de expresión oral publicaranse nun documento .pdf que se poderá descargar desta mesma web, ben directamente desde o calendario Google, ou ben desde a seguinte ligazón: http://www.eoisantiago.org/calendario_exames_convocatorias.php Igualmente, poderanse consultar as convocatorias na cristaleira de entrada da EOI de Santiago ou no espazo habilitado para tal fin nas seccións.
• As probas de expresión oral poderán ter lugar con anterioridade ou posterioridade á proba escrita.

• Probas de Básico 2=probas de certificación do nivel básico (oficial e libre).

  Probas de Intermedio 2=probas de certificación do nivel intermedio (oficial e libre).

  Probas de Avanzado 2=probas de certificación do nivel avanzado (oficial e libre).